Ukitzeko artea, guztiontzako artea
Didú metodologia Estudios Durero-k garatu zuen erliebean egindako irudiak tratatzeko eta erreproduzitzeko.
Didú-k, bere erabilera nagusian tresna teknologikoak, artistikoak eta pedagogikoak tartekatzen ditu, irudi digitalak uki daitezkeen irudi bihurtzeko. Horrela, irudiak zentzua du, bai ikusmenarentzat, bai ukimenarentzat.
Didú-rekin lantzen dugun irudi bakoitzak bide propioa du. Lanaren eta horren testuinguruaren azterketak komunikatu beharreko funtsezko elementuak zein diren esaten digu prozesuaren lehen urratsean. Prozesu guztia itsuarentzat fidela eta ulergarria den errealitatearen erreprodukzioa lortzeko premiaren menpe dago.
Gure taldean artista grafikoak, diseinatzaileak, ukitu-emaileak, teknikoak eta ONCE-ko kide itsuak daude. Proiektu bakoitzean hainbat urrats ematen dira: Interpretazio artistikoa; irudiaren ehundurak, formak, bolumenak, koloreak eta abar aztertzea; irudi bakoitzaren produkzio-parametroen bakarkako definizioa; eta abar. Horrela, irudiei beste dimentsio bat eman nahi zaie, balio pedagogikoa aitortua emateko.
Didú-k argazkigintzaren eta irudi piktorikoen munduko ateak ikusteko desgaitasuna dutenei zabaltzea lortu du lehen aldiz. Lorpen horrek ONCEren bermea du, izan ere Didúren garapenean parte hartu du, hasiera-hasieratik, eta gure metodogogia hobetzeko eta perfekzionatzeko prozesuan gidatu gaitu.
Etengabeko hobekuntzako proiektua da Didú. Gure teknika garatzeko eta hobetzeko ikertzen jarraitzen dugu, betiere filosofia berbera erabiliz: ukitu hobeto ikusteko.
